يوه يا ماما

موضوع: يوه يا ماما الخميس يناير 15, 2009 2:55 pm

بسم الله الرحمن الرحيم

يوووه يا ماما لو انتي عايزه تروحي السوق كنتي قدرتي تقنعي بابا يوديني السوق……

يوووه يا ماما لو كنتي عايزاني اوصلك لاي حته كنتي قدرتي تقنعي بابا يديني مفتاح العربيه..

عمرك مرت عليك لحظه بتحس فيها انك وحيد وماحدش حاسس بيك؟؟

عمرك مرت عليك لحظه بتحس فيها انك عايز تقول اللي في نفسك لحد وماقدرت؟؟

عمرك حسيت بأنك عايز تشكي لحد مش قادر تتكلم معاه براحتك؟؟

طيب عمرك جربت أنك تروح لامك وتشكي لها من اللي مضايقك؟؟
طيب جرب كدا لو مره واحده بس!!!!
ها تلاقيها احن انسانه عليك في الدنيا دي كلها.....
ها تاخدك في حضنها وتهديك وتقول لك اهدأ كدا ان شاء الله مش هايحصل الا اللي يريحك........
الدنيا دي ولاتسوى دمعه واحده من عينيك....
لما بتقول كدا هاتحس بأيه؟؟!!
هاتلاقيها اقرب انسانه ليك لما بتقول الآه!!

ها تلاقيها سهرانه جنبك والناس نايمين لما انت بتحس بوجع في جسمك!!

ها تلاقيها طايره من الفرح لما انت مبسوط وفرحان.....

ها تلاقيها احتعس انسانه في الدنيا لما انت تكون زعلان ومخنوق...

ها تلاقيها جنبك في كل وقت وكل حاله انت فيها ....

طيب ايه جزاها في دا كله؟؟

انك بتعلي صوتك عليها لما ابوك بيعصب عليك عشانك اتأخرت بره شويا وهيا جت تهديك وتقولك ما تزعلش؟؟!!

عمرك جيت وهيا قاعده في الصالون وبست على ايدها وراسها وقلت لها عايزه حاجه يا اعظم انسانه في الدنيا؟؟

طيب عمرك جيتي وهيا في المطبخ وبتعمل حاجه وقلت لها هاتي يا ماما أكمل بدالك وانتي روحي أرتاحي شويا؟؟
عمرك دورت على أي حاجه تفرحها وعملتها لها من غير مناسبه؟؟!!

مش دي اللي الرسول فضلها على الأب ب 3 مرات؟؟
مش دي اللي الجنه تحت أقدامها؟؟
مش دي اللي رضا الله من رضاها ؟؟

طيب ليه هي اللي دايم نعلي صوتنا عليها ونمشي وهيا بتتكلم ونكبر منها ولا بنسمع كلامها الا نادراً؟؟
ولو عملنا كدا مع بابا يبقى نهارنا أسود ومنيل بستين نيله؟؟

ليه؟؟ لانها اطيب قلب ومش بترضى أنك تنام وانت زعلان ؟؟

والله بدايق اوي لما بطلب من ماما أي حاجه وانا عارفه انها غلط وهيا بتقول لا وازعل انا وبتفضل هيا قلقانه عليا و بتيجي تقولي انتي زعلانه مني يا.....؟؟ اوعي تنامي وأنتي زعلانه مني!!!
بجد بزعل اوي وانا شايفه ماما بتهتم بيا لدرجه دي وانا مش بهتم بيها اوي ...

والله ماحدش بيحس بقيمه الأم الا اللي محروم من حنانها....
بجد بيتمنو ان مامته ترجع لو يوم واحد ومايزعلهاش وبيعمل اللي يريحها....
بجد أنت عندك كنز كبير ومش بيتقدر بثمن.....
بجد هيا اغلى حاجه في الدنيا ولاتسوى الدنيا من غيرها...

يارب احفظ ليا امي وطول في عمرها وخليها دايما فوق رأسي وجازها بكل خير ع اللي عملته معانا....

خلاص خلصت ......
طيب لو سمحت كدا قوم روح بوس ايد مامتك وقولها ربنا يخليك لينا يا أغلى أنسانه في الدنيا..
وبعدين تعال اكتب ردك.......

للى عايز يصالح مامته او يتأسف لو عمل ليها حاجه يالا قوم صالحها يالالالالالالالالا

وقولى ردك برضه
يارب كلنا نعمل كده بجد ومنزعلهاش ومننساش والدنا بردو
يلا قولولي رأيكم بصراحه من غير مجامله